Metroid: Other M هل تكون مقلب جديد على طريقة الكابكومية؟

[خالد]

قبل 3 سنوات تقريبا .. سمعنا خبر عن جزء جديد وحصري من أسطورة المغامرات The Legend of Zelda على جهاز الوي .. وتفائلنا خير .. وبس بدت الأخبار تطلع ويعلن الاسم الرسمي للعبة عرفنا إنها لعبة لا تنتمي لا من قريب ولا من بعيد للسلسلة .. ولكنها كانت ديمونستريشن لإكسسوار الوي الجديد Zapper تحت مسمى Link's Crossbow Training .. كل الهايب اللي إنعمل للعبة تسبب في مبيعات خورافية لها وللإكسسوار الجديد اللي أشك إنه يستاهل كل هذا الزخم الإعلامي .. لا تتنسى طبعا الطريقة التسويقية الناجحة من الشركة لدعم الإكسسوار .. في النهاية، مبيعات لعبة مقلب نافست حتى مبيعات بعض أجزاء السلسلة الرسمية وتغلبت عليها! واذكر إذا ما خانتني الذاكرة إنو في لعبة شوتر من شركة سيقا نسيت اسمها كانت نازلة في نفس الوقت وبنفس الهايب مع نزول الإكسسوار .. لكنها ما قدرت تنافس Link's Crossbow Training ولا تقرب حوله على الرغم من إنها لعبة متكاملة وما هي مجرد ديمونستريشن ..


خل نكون صريحين، الزابر هذا ما كانت تعول عليه الشركة النجاح الكثير لأنه في النهاية مجرد طريقة لعب لا أكثر .. ولكن من يوم أكلنا هذاك المقلب وننتدو مهدية اللعب ومركزة أكثر على تطوير علاقاتها مع شركات الطرف الثالث ودعم إكسسواراتها من خلال التسويق للمطورين بدل العملاء .. بالعربي صارت محترمة شوي .. ولنا في دعم الوي سبيك مثال عن طريق لعبة أنيمال كروسنق .. أسلوب رائع ومحترم لعرض الإكسسوار .. ومع ذلك ما لاقى نجاح ضخم لكن خل نقول فيه إحترام نوعا ما للعميل اللي كان يطالب بهذا الإكسسوار من فترة طويلة .. وحصل عليه ..


ترجع لمحور الحديث .. في الفترة اللي نزلت فيها Link's Crossbow Training كنا لا نزال نضع توقعاتنا المبدأية لمستقبل الجهاز .. ولا عندنا أي أدلة تثبت تظرياتنا .. بس كنا نتمنى ومجرد توقعات أغلبها خابت لما ننظر لواقعنا في 2009 .. نقول يارب جزء حصري من سلسلة زيلدا ع الوي .. توقعناه في 2007 أو 2008 وانتظرنا 2009 ولا شفنا شي .. يارب نسمع عن ألعاب مثل رزدنت إيفل، سايلنت هيل، فاينال فانتزي، قراند ثيفت أوتو، ستريت فايتر وتيكن شي يحمسنا للجهاز .. وكنا كل ما سمعنا عن لعبة ملتي بلات فورم جديدة مثل ديد سبيس، فول اوت، قوست ريكون، فار كراي، برنس أوف برشيا وأساسنز كريد وتنزل لبعضها نسخ خاصة على الدي اس والبي اس بي ويتم تجاهل الوي ، تضيق صدورنا ونتوجع أكثر! واذكر حتى إني كتبت موضوع عن اللعبة الرائعة Alone in the Dark لأنها احترمت الوي ووعدت بجزء خاص ومتفرد وكنت متوقعها هي اللي راح تعيد الأمل .. لكنها كانت صدمة من نوع خاص .. ووقتها كنا سمعنا عن عودة أسطورة الأركيد House of the Dead .. على الوي .. وقلنا يارب هذي بداية الإنطلاقة ..


فجأة ! سمعنا أخبار من كابكوم عن جزء حصري من سلسلة Resident Evil .. أخيرا وبعد كل المعاريض اللي سويناها شي جديد ما هو ريميك ولا ديمو .. شي حقيقي بنستمتع فيها في سنة 2008 وراح تكون إنطلاقة لباقي الشركات إنها تحذو حذو شركة كابكوم العظيمة والمحبوبة وتطور للوي من جديد .. وبعد كل الهايب اللي عملناه .. إكتشفنا إننا إنخدعنا بمفهوم جديد للريميك .. طريقة "عيد القصة بس بأسلوب لعب مختلف" .. وكأننا ما نعرف سياسية الشركة اللي حتى مستعدة تسوي للجزء الواحد من أجزائها عشرات الريميكات واركايف وفلم وعطر ومشروب طاقة .. طريقة اللعبة الجديدة هذي ذكرتنا بالمقلب القديم اللي أكلناه من اللنك الله يصلحه .. هل لو نزلت لعبة كابكوم باسم مختلف كانت بتبيع بشكل قوي؟ هاوس أوف ذا ديد بكل الهايب وبكل القوة والشغل اللي اشتغلوه فيها وتقييمات المواقع المتميزة وتقييمات الأعضاء العالية ما استطاعت تجاري الكرونيكالز في مبيعاتها! ولا تبيع حتى 50٪ من المبيعات .. ليش؟


معلومة: بحثت في تاريح استديو Cavia Inc اللي طور هذا الجزء من لعبة رزدنت إيفل علي الوي .. وتفاجأت إنه استديو أكثر أعماله شوتر .. لكن الناجح من أعماله لعبتين .. وكلها لسلسلة رزدنت إيفل (أمبريلا كرونيكال على الوي وديد إيم على البلايستيشن 2) .. وباقي ألعابه تقييمها أقل من المتوسط وأقرب للسيء !!!


الفجأة هذي عادت لنا مرة ثانية في مؤتمر الإي 3 الأخير... لما أعلنت ننتدو عن جزء جديد لمعشوقة الننتداويين Metroid .. ومع مين؟؟ مع استديو تيم ننجا .. الأستديو المعروف عنه تميزه بألعاب الأكشن أدفانتشر .. يعني إثارة متواصلة ومغامرة فريدة وعودة للزمان الجميل .. وأذكر لحد الآن النشوة الغريبة اللي جاتني لما شفت العرض وكان فيه مقطع 3 ثواني تقريبا ساموس تسوي سوفلكس خلفي لواحد من السبيس كرييتشرز .. وكأني أقول لنفسي .. زمان يا مترويد .. وأخيرا عودة بعد طول إنتظار في المترويد برايم .. ترجع لنا مترويد الأصلية .. سلسلة الأدفانتشر مع تيم ننجا أفضل شركة لهالغرض ..


اليوم تحديدا لما صحيت الصباح قررت أسوي بحث عن ريترو استديو .. كنت أبغى أعمل عنها تقرير بزنس يخص دراستي بحكم إن فيها معطيات تساعد إني أكتب عنها .. وجا في بالي تساؤل خطير .. ننتدو تفكر في إيش بالضبط؟ غالبا لما تنحي استديو عملاق عن أهم مشاريعه وسلسلته الوحيدة اللي يشتغل عليها من 20 سنة وإنت تملك الأستديو هذا بالكامل غير إنه عطاك بكل إخلاص ولا زال في أوج عطائه .. فالأمر واحد من إثنين : 1) با إنك تحضره لمشروع عملاق يخص نفس السلسلة (وهذا شي يثير التساؤلات على مترويد أوثر إم) .. 2) يا إن الأستديو راح يتوجه لبدء سلسلة جديدة .. دخلت موقع ريترو وجلست أتصفح الأخبار... ما فيه أي شي يثير الإهتمام .. فصرفت النظر وقلت خلني أبحث عن مترويد أوثر إم يمكن فيه أخبار عليها ..


في خضم البحث .. وصلت لمعارض صور تخص اللعبة .. وصراحة عورني قلبي لما شفت الصورة هذي:
Cant See Images

وقلت في نفسي ايش الهدف من هذي الصورة في لعبة متوقعينها أكشن أدفانتشر .. قريت الكابشن جمب الصورة:

Genre: Action


شغلت التريلر تقريبا 6 مرات .. ما قدرت أحصل حاجة تثبت لي بالدليل القاطع إنو اللعبة أكشن أو أكشن أدفانتشر أو شوتر عادية أو حتى فرست برسون شوتر .. دخلت موقع IGN اللي وسع صدري شوي .. فتحت صفحة اللعبة .. حصلت مكتوب المعلومات التالية

Published by: Nintendo
Developed by: Team Ninja
Release Date: TBA 2010
Genre: (((Action Adventure)))


دخلت بعدها موقع Gamespot اللي ضيق صدري وهو اللي خلاني أكتب الموضوع لأني أعرف إن هذا الموقع ما يكتب شي عبث .. حصلت مكتوب المعلومات التالية :

Nintendo
Team Ninja
(((Sci-Fi Shooter)))
Release: TBA 2010


لاحظو Sci-Fi Shooter حتى ما كتبوا First-person shooter .. يعني الإحتمال الأول اللي طرحته عن سياسة ننتدو مع ريترو يمكن يكون صحيح .. وبالتالي في إحتمالية مقلب جديد؟ ايش رأيكم إنتم؟

[Mя.Ť]

تسلم يمناكـــــ

[خالد]

ويمنك


مشكورر على مرور

[خالد]

شكر لك على الموضوع انشاء الله في ميزان اعمالك

[Resident Evil]

مشكووووووووووووووووووووووور علي الموضوع المميز والمبدع
تم التقييم
تحياتي

[صانع العاب]

شكر لك على الموضوع المميز